TEMPORADAS

Las Temporadas

Los rituals festius de las Temporadas celebran nòstra relacion a los cicles del temps

A Pesenàs s’encarnan en la consecracion de las transicions sasonièras. en perpetuant de tradicions immemorialas :

* de l’ivèrn a la prima, al despertar de la natura, es la dintrada en Carnaval e la fèsta del protector de la vila, Sant Blasi;

* de la prima a l’estiu, al moment de sa maduresa, al solstici, es la Sant Joan d’Estiu;

* de l’estiu a la davalada, al moment de son decreis, per aprivadar la Mòrt, vaquí Martror;

* de la davalada a l’ivèrn, per començar sa regeneracion, al solstici, es la Sant Joan d’Ivèrn o Nadal.

las TEMPORADAS

Lo Collectiu TEMPORADAS s’inspira abondosament dels espectacles deambulatòris e de los rituals festius que l’an precedit.
La memòria de las tradicions de los Machous, Glaudi Alranq, la Calandreta dels Polinets, lo Collectif Pebrin’ an remembrat a la Tradicion sa porcion d’imaginacion.
Lo Théâtre des Origines, investissent d’un biais espectacular, tre 2006, aquel espaci-temps de la Temporadas a permès a cadun de s’associar a la dimension creativa de los rituals.

Uèi, lo Collectiu Temporadas pren la seguida.
Regropa las e los qu’an acompanhat las fèstas sasonièras aquestas darrièras annadas
– ciutadans-amators-benevòls e professionals de l’espectacle viu, en collaboracion amb los escolans, los patients de l’espital de jorn, los pensionaris de l’ostal de retirada, las associacions culturalas, socialas, patrimonialas, festivas o esportivas, los artistas, los comerçants, los simpatizants…-

obrant per la recèrca, la formacion, la creacion, la transmission e lo ligam social fasent perdurar las fèstas sasonièras, Patrimòni Cultural Immaterial de Pesenàs.

[lo Teatre Baug es co-productor de las Temporadas]