SALVATGES

Obrador de creacion inter-disciplinari (dança, teatre, circ e musica) e inter-regionala (Occitania – Mallorca) en seguida de la co-produccion entre La Rampe TIO Cia Mariantònia Oliver : «TROBADES».



Tant luènh, tant prèp, estranh e pr’aquò tant familiar.
Lo SALVATGE es la paur e l’atirança ; es aquò seriós e es perfièitament grotesc ; es licenciós … e pasmens extrèmament mestrejat.


A la frontièra de la subnatura, sus lo fial entre l’òrdre e lo rambalh, lo primitiu e lo nautament civilizat, ont la limit entre rason e folia s’estompa, nòstras novèlas rescontres exploraràn l’esperit del Salvatge.
E tot i passara ! Per qu’en contrapunt de la rescontre de çò que fa « cultura », questionem nòstra natura prigonda e, qu’en vestissent l’aparéncia del Salvatge, botem l’autre a l’interior de nosautres.
Tant que demora de plaça.
Qu’en se fasent Salvatges, despartiscam la natura de l’Autre.
Sià ja al nòstre mai prigond.

SALVATGES

Al junhent de las identitats culturalas e lingüisticas, sèm acostumats a crear per totes los publics. convidant a la tròba d’un univèrs ludic e poetic, menat per la dança, l’acrobacia, lo teatre e la musica e portat per 5 actors-dançaires-equilibristas-musicaires, totes fargats a una teatralitat corporala potenta.

La nòstra diversitat nos a menat a trobar una matèria artistica facha de complicitat per crear e partejar d’ambients fantasiós pròpri a nòstras personalitats, de complicitat per ajustar nòstras diferencias e dobrir d’espacis comuns, de complicitat per jogar, entre libertat e curiositat.

Complicitat per ofrir una mesclada de fòrmas e de biais de faire, un concèrt de nòstras lengas estrangièras e pr’aquò tant vesinas, un viatge poetic a travèrs totas nòstras particularitats, guidat per lo jòc, segon los rencontres e las tròbas ont lo sol muscle que fa mestièr es el de l’imaginacion !

fòtò : obrador de creacion Baug – Manipulats
en seguida :        Calendièr de Creacion