TEATRE BAUG

es lo nom que s' es donat una banda de comediants, musicaires, dançaires, acrobatas, cantaires, plasticians...

Se passeja per las carrièras,
dins las assembladas,
pels festenals de tota mena.
Pòt prener lo tren, lo carri,
l'avion o lo ferri !..

Atal li encanta de rescontrar e escambiar amb sos vesins de paratge e convivéncia d'Occitània e de las isclas Balears o de Catalonha.

Al Teatre Baug çò que li agrada es d'anar ont i a de mond que se pòt saludar, trobar, paupejar, potonejar, parlar, estonar, mocar...

Aquel biais de far saberut l'a trapat a la pratica correnta de las insolentariàs de Carnaval e d'unas fèstas tradicionalas mediterranèas que lo Teatre Baug s'esfòrça de tornar visitar e imaginar.

Podes convidar lo Teatre Baug per un çaganh de nuech o de campestre; segur que te farà rire o que sauprà escarvilhar tas emocions.

I menara lo tust e la dança.
Li pòdes comptar !